ސިޔާސީ ހަރަކާތްތައް ހިންގާކަމަށްބުނެ އޭދަފުށީ ދިގަލިގެއާ ދިމާ އަތިރިމަތީގައި ހުރި ފިނި އަށި ނެގިޔަސް އޭދަފުށިން އެމްޑީޕީގެ ކުލަ ފަނޑުނުވާނެ ކަމަށް އެމްޑީޕީ އޭދަފުށީ މެންބަރުން ބުނެފި އެވެ.
އެމްޑީޕީ އޭދަފުށީ މެންބަރުން ރޭ ބޭއްވި ޕެނަލް ޑިސްކަޝަން އަށްފަހު މިއަދު އީޓީއާ ވާހަކަ ދައްކަމުން ބުނި ގޮތުގައި އަށި ނަގައިފިނަމަ ސިޔާސީ ހަރަކާތްތައް ހިންގަން އެމްޑީޕީއަށް ލިބޭނީ އިތުރު ހިތްވަރެއް ކަމަށެވެ. އަދި އަށި ނަގައިފިނަމަ ރަށުގެ އެހެން ސަރަހައްދު ތަކުގައިވެސް މިގޮތަށް ހަދާފައިހުރި އަށިތަކުގައި ސިޔާސީ ހަރަކާތްތައް ހިންގަން ރޭ ބޭއްވި ޕެނަލް ޑިސްކަޝަންގައި ވަނީ ފާސްކޮށްފަ އެވެ.
“.. ސިޔާސީ ހަރަކާތް ހިންގާކަމަށް ބުނެ އަށި ނަގައިފިނަމަ، ދެން މި ޕާޓީން ރަށުގެ އެކި ސަރަހައްދުތަކުގައި ސިލްސިލާކޮށް ސިޔާސީ ހަރަކާތްތައް ބާއްވާނަން. އެންމެ ފުރަތަމަވެސް މިކަން ފަށާނީ ރަށުގެ އެހެން ސަރަހައްދުތަކުގައި މިގޮތަށް ހަދާފައިހުރި އަށިތަކުން، ދެން ހަމަ ރަށު ކައުންސިލު އިދާރާ ކުރިމަތީގައިވެސް ބާއްވާންޖެހިދާނެ،”
“އަށި ނެގިޔަސް އޭދަފުށިންވެސް ދެން އެމްޑީޕީގެ ކުލައެއް ފަނޑެއް ނުވާނެ، އެމްޑީޕީގެ ފިކުރެއް ބަދަލެއް ނުވާނެ އަދި އަޑެއްވެސް ނުކެނޑޭނެ، 33 ޕަސެންޓް ވުރެ މަތިން ވޯޓް ނުލިބޭނެ ގޮތެއް ނުވާނެ،”
އޭދަފުށީ އުތުރު ފަރާތު އަށީގައި ސިޔާސީ ހަރަކާތް ހިންގާނަމަ އެތަން ނަގައި ރަށު ކައުންސިލުގެ ބެލުމުގެ ދަށަށް އެތަން ގެންނަން އަންގާފައިވަނީ ހައުސިން މިނިސްޓްރީންނެވެ.
އެގޮތަށް އަންގާފައިވަނީ އަށި ހުރި ބިމުގައި ކައުންސިލުގެ ހުއްދަ ހޯދުމަކާ ނުލައި އެމްޑީޕީ އަށް ނިސްބަތްވާ އެކްޓިވިސްޓުން ސިޔާސީ ހަރަކާތްތައް ހިންގާ ޖަގަހައެއްގެ ގޮތުގައި އެތަން ބޭނުން ކުރަމުންގެންދާ ކަމުގެ މައުލޫމާތު ލިބިފައިވާތީ ހައުސިން މިނިސްޓްރީއަށް ލިބިފައިވާތީ ކަމަށް އެ މިނިސްޓްރީން ރަށު ކައުންސިލަށް ފޮޮނުވި ސިޓިގައި ބުނެފައި ވެ އެވެ.
ދިގަލި ގޭ ކުރިމަތީގައި ހުންނަ ހޮޅުއަށްޓަށް އާއްމުކޮށް ގޮސް އުޅެނީ އެމްޑީޕީއަށް ސަޕޯޓްކުރާ މީހުންނެވެ. ނަމަވެސް ގިނަ އަދަދެއްގެ ދަތުރުވެރިންނާއި އާއްމުންވެސް އެ ތަނަށް ގޮސް އުޅެއެވެ.
ރިޔާސަތުގައި ތިބި 6 މީހުން އެއްކޮށްގެންވެސް ފުރިހަމަ އެކަކުވެސް ހަމަނުވެ
ހަމަނުޖެހުމަށް މަގުފަހިވާ ކޮންމެ ކަމަކަށް މި ބައިގަނޑު ތާއީދުކޮށް ގަރާރު ނެރޭނެ