ދިރާގު މޯލްޑިވްސް ފުޓްސަލް ޗެލެންޖްެ ބާ ޒޯންގެ މެޗްތައް މިއަދު ހަވީރު ސޮނެވާފުށީ ރިސޯޓްގައި ފަށައިފި އެވެ
މިއަދު ހަވީރު ސޮނެވާފުށީ ފުޓްސަލް ދަނޑުގައި ކުޅުނު ފުރަތަމަ މެޗްގައި ބައްދަލުކުރީ ސޮނެވާފުށީ ރިސޯޓް އާއި އަނަންތަރާއެވެ. މި މެޗް 1-7 ގެ ބޮޑު ތަފާތަކުން ކާމިޔާބު ކުރީ ސޮނެވާފުށީ ރިސޯޓްއެވެ. މި މެޗްގައި ސޮނެވާފުށީ ޓީމަށް ލަނޑުތަށް ކާމިޔާބު ކޮށްދިނީ އަބްދުލް މަޖީދް (މަޖިއްޓޭ)، މުހައްމަދު ޝިޔާމް އަދި އަޒްމީންއެވެ. މި މެޗްގައި މަޖިއްޓޭ 2 ލަނޑު ޖެހި އިރު އަޒްމީން ވަނީ 4 ލަނޑު ޖަހާފައެވެ. މި މެޗްގައި އަނަންތަރާއިން ޖެހި ހަމައެކަނި ލަނޑު އެޓީމަށް ކާމިޔާބު ކޮށްދިނީ އަހްމަދު އަޝްރަފްއެވެ.
މި މެޗް ގެ މޭން އޮފް ދަ މެޗަކަށް ހޮވިފައިވަނީ ސޮނެވާފުށީ ޓީމްގެ އަޒްމީންއެވެ
މިއަދު ކުޅުނު ދެވަނަ މެޗްގައި ބައްދަލުކުރީ ރީތި ބީޗާއި ދު ސިތް ތަނީއެވެ. މި މެޗް ދު ސިތް ތާނީއިން ކާމިޔާބު ކުރީ 1-4 ގެ ނަތީޖާއަކުންނެވެ. ދު ސިތް ޓީމަށް ލަނޑުތަށް ކާމިޔާބު ކޮށްދިނީ އަބްދުއް ސަލާމް ހާމިދް އާއި ހަސަން ސާޖިދްއެވެ. މިއިން ކޮންމެ ކުޅުުންތެރިއަކުން ވަނީ މި މެޗްގައި 2 ގޯލް ޖަހާފައެވެ. ރީތި ބީޗް ރިސޯޓްއިން ކާމިޔާބު ކުރި ހަމައެކަނި ލަނޑު އެޓީމަށް ކާމިޔާބު ކޮށްދިނީ ހުސައިން ޝަނީޒްއެވެ.
މި މެޗްގެ މޭން އޮފްދަ މެޗަކަށް ހޮވިފައިވަނީ ދު ސިތް ތާނީގެ އަބްދުއް ސަލާމް ހާމިދްއެެވެ