ބ. ކެންދޫގައި ފުލުހުންގެ ޑެސްކެއް ގާއިމުކޮށް ރަސްމީކޮށް ފުލުހުންގެ ޚިދުމަތްދޭން ފަށައިފި އެވެ.
ފުލުހުން ބުނީ ކެންދޫގައި ގާއިމް ކުރެވުނު ޕޮލިސް ޑެސްކުގެ ސަބަބުން ކެންދޫ ރައްޔިތުންނަށް އަމާން ވެއްޓެއް ލިބުމަށް މަގުފަހިވެ އިޖުތިމާޢީ އެއްތައް މައްސަލަތަކެއް ހައްލުވެގެން ދާނެ ކަމަށެވެ.
އާދިއްތަ ދުވަހު ކެންދޫގައި ގާއިމް ކުރެވުނު ޕޮލިސް ޑެސްކަކީ ފުލުހުންގެ ޚިދުމަތް ކޮންމެ ރަށެއްގައި ގާއިމު ކުރުމަށް ކުރަމުންދާ މަސައްކަތުގެ ދަށުން ގާއިމު ކުރެވެނު ޑެސްކެއް ކަމަށް ފުލުހުން ބުންޏެވެ.
“މި ޑެސްކުންވެސް ފުލުހުންގެ ޢާންމެ ޚިދުމަތް ލިބިގެން ދާނެ،”
ކެންދޫ ކައުންސިލުގެ ރައީސް ޢަބްދުލް ޣައްފާރު ވިދާޅުވީ ކެންދޫގައި ފުލުހުންގެ ޚިދުމަތް ފެށިގެން ދިޔުމަކީ ކެންދޫ ރައްޔިތުންނަށް ލިބުނު ވަރަށް ބޮޑު ހިތްހަމަ ޖެހުމެއް ކަމަށާއި މީގެ ސަބަބުން އިޖުތިމާއީ ގިނަ މައްސަލަތަކެއް ހައްލުވެ ކުއްމަދު ވެއްޓަކަށް ކެންދޫ ބަދަލުވެގެން ދާނެކަމަށެވެ.
ކެންދޫ ކައުންސިލުން އިސް ނަގައިގެން ފެށި މި ޚިދުމަތަކީ އެކައުންސިލުން ވަރަށް ބުރަމަސައްކަތުން ފެށި ޚިދުމަތެއް ކަމަށްވެސް ކެންދޫން ކައުންސިލުން ބުނެ އެވެ.