މިއަހަރުގެ ފުރަތަމަ ޓާމުގެ ކިޔެވުން ނިމި، ރިޕޯޓު ދިނުމަށްފަހު އެއް ހަފްތާއަށް ސުކޫލްތައް ބަންދުކޮށްފި އެވެ.
ދަރިވަރުންނަށް ފުރަތަމަ ޓާމަށް ފަހު ހަފްތާގެ ޗުއްޓީއެއް މިއަދުން ފެށިގެން ލިބުނުއިރު، އެޑިއުކޭޝަން މިނިސްޓްރީގެ އެކަޑަމިކް ކަލަންޑަރުގައިވާ ގޮތުން މިއަހަރުގެ ފަހު ޓާމުގެ ކިޔެވުން ފަށާނީ މިމަހުގެ 19 ވަނަ ދުވަހު އެވެ.
އަހަރުގެ ފަހު ޓާމުގެ ކިޔެވުން މިމަހުގެ 19 ވަނަ ދުވަހު ފަށާއިރު، ފަހު ޓާމުގެ މިޑްޓާމަށް ބަންދުކުރާނީ ސެޕްޓެމްބަރު މަހުގެ 11 އިން 15 އަށެވެ. އަދި ދެވަނަ ޓާމުގެ އިމްތިހާން 30 އޮކްޓޯބަރުގައި ފަށާނެ އެވެ.
މިއަހަރުގެ ދިރާސީ އާއަހަރުގެ ކިޔެވުން ނިމި، ސްކޫލްތައް ބަންދުކުރާނީ ނޮވެމްބަރު 17 ގަ އެވެ.
ހުރިހާ ދަރިވަރުންވެސް މިލިބުނު ޗުއްޓީ ދުވަސްތައް އެންމެ ހެޔަޮގޮތުގައި ބޭނުން ކުރާނެ ކަމަށް އުންމީދު ކުރަން.