މިނިވަންދުވަސް ފާހަގަ ކުރަން ކޮންމެ ރަށެއްގައި ވެސް ޖުލައި 26 ވިލޭރޭ ގައުމީ ދިދަ ނެގުމަށް ހާއްސަ ރަސްމިއްޔާތެއް ބާއްވައި އަދި އެ ރަސްމިއްޔާތުގައި ބައިވެރިވާ މީހުންގެ އަދަދު އަންގަން ހޯމް މިނިސްޓްރީން ކައުންސިލްތަކަށް އަންގައިފި އެވެ.
މި ރަސްމިއްޔާތުގައި ކޮންމެ ރަށެއްގައި ވެސް ދިދަ ނަންގަވައި ދެއްވާނީ އެ ރަށެއްގައި ހުންނަވާ އެންމެ އިސްވެރިއާ އެވެ.
ފަހަކަށް އައިސް ކޮންމެ އަހަރަކުވެސް މިނިވަންދުވަހާ ދިމާކޮށް ހުރިހާ ރަށެއްގައިވެސް ޖުކައި 25 ވަނަ ދުވަހުގެރޭ ދަންވަރު 12:00 ގައި ދިދަ ނެގުމުގެ ހާއްސަ ރަސްމިއްޔާތެއް ބާއްވާއެވެ. ނަމަވެސް މިރަށުގައި މިގޮތަށް ބާއްވާ ދިދަ ނެގުމުގެ ރަސްމިއްޔާތުގައި ބައިވެރިވަނީ ސަރުކާރު އޮފީސްތަކުގެ ވަރަށް މަދު ބައެއްކަން ފާހަގަ ކުރެވެ އެވެ. އަދި އާއްމު ރައްޔިތުން އެއްވެސްވަރަށް ބައިވެރިނުވާކަންވެސް ފާހަގަ ކުރެވެ އެވެ.
ދުވަހާ ގުޅޭގޮތުން އިތުރު ހަރަކާތްތަކެއް ބާއްވާނަމަ އެކަމެއްގެ މައުލޫމާތު ހޯމް މިނިސްޓްރީ އަށް ދިނުމަށާއި ވީހާ ގިނަ ރައްޔިތުން އެ ރަސްމިއްޔާތުތަކުގައި ބައިވެރި ކުރުވުމަށާއި ބައިވެރިން ގައުމީ ސަލާމް ކިއުމަށް ވެސް ހޯމް މިނިސްޓްރީން ވަނީ އަންގާފަ އެވެ.
ޖުލައި 26 ދިމާވަނީ އަންގާރަދުވަހާ އެވެ. އަދި މިނިވަންދުވަހާ ގުޅިގެން 27 ބަންދުވާ އިރު ކުރިން އޮތީ ބުރާސްފަތި ދުވަހު ސަރުކާރުގެ ރަސްމީ ދުވަހެއްގެ ގޮތުގަ އެވެ. އެކަމަކު ރައީސް އަބްދުﷲ ޔާމީން ވަނީ 28 ވެސް ބަންދުކުރައްވަން ނިންމަވާފަ އެވެ.
މި ގޮތަށް ހަމަޖެއްސުމުން މިނިވަންދުވަހުގެ ބަންދަށް ޖުމްލަ 5 ދުވަސް ލިބޭނެ އެވެ.
Majuboorun kankurumakee naakaamiyaabuge ramzeh.