އޭދަފުށި ޒުވާނުންގެ ކްލަބުން އިންތިޒާމްކޮށްގެން ބާ އަތޮޅުގެ ރިސޯޓްތަކަށް ހުޅުވާލަައިގެން ބޭއްވުމަށް ހަމަޖައްސާފައިވާ އިންޓަރ ރިސޯޓް ފުޓްބޯޅަ މުބާރާތް ހުޅުވާ މެޗުގައި ކިހާދް މޯލްޑިވްސް އާއި އަމިއްލަފުށި ރިސޯޓް ވާދަކުރަންޖެހިއްޖެއެވެ.
މި މުބާރާތުގެ ގުރުނެގުމުގެ ރަސްމީޔާތުވަނީ އޭދަފުށީ މަލްޓިޕާޕަސް ކޮންފަރެސް ރޫމްގައި ރޭވަނީ ކުރިޔަށް ގެންގޮސްފައެވެ. މި މުބާރާތުގައި ބައިވެރިވެފައިވަނީ އެންމެ 4 ރިސޯޓްއެވެ. އެއީ ކިހާދް މޯލްޑިވްސް، އަމިއްލަފުށި، ސޮނެވާފުށި އަދި ދުސިތް ތާނީ ރިސޯޓްއެވެ.
މި މުބާރާތް ކުރިޔަށް ގެންދިޔުމަށް ހަމަޖެހިފައިވަނީ މިމަހު 22 އަންނަ މަހުގެ 3 ވަނަ ދުވަހުގެ ނިޔަލަށް ބ.އޭދަފުށީގައެވެ. މި މުބާރާތުގެ ސެމީ ފައިނަލްގެ މެޗްތަށް ކުޅުމަށް ހަމަޖެހިފައިވާނީ މިމަހު 31 އަދި އަންނަ މަހު 1 ވަނަ ދުވަހު އެވެ. ފައިނަލް މެޗް އޮންނާނީ 3 އޮގަސްޓް ވާ ބުދަ ދުވަހުއެވެ.
މި މުބާރާތަކީ ވިޒިޓް މޯލްޑިވްސް އިޔަރ 2016 ފާހަގަކުރުމުގެ ގޮތުންނާއި މިއަތޮޅުގެ ރިސޯޓްތަކުގެ މުވައްޒަފުންގެ މެދުގައި ކުޅިވަރުގެ ރޫހު އާލާކުރުމުގެ ގޮތުން ބާއްވާ މުބާރާތެކެވެ.
މުބާރާތުގެ ޝެޑިޔުލް
ނޯޓް:މި މުބާރާތުގެ ޝެޑިޔުލްއަށް ބަދަލުއައުމަކީ އެކަށީގެންވާކަމެވެ
