ބ. އަތޮޅުގެ ދެ ފަޅުރަށެއް އަނެއްކާވެސް ވަރުވާއެއް ބީލަން އުސޫލުން ވަރުވާއަށް ދޫކުރުމަށް ފިޝަރީޒް މިނިސްޓްރީން ހުޅުވާލައިފި އެވެ.
ފިޝަރީޒު މިނިސްޓްރީން ނެރުނު އިއުލާނުގައިވާ ގޮތުން މިފަހަރު ވަރުވާއަށް ދޫކުރުމަށް މިއަތޮޅުން ހުޅުވާލާފައިވަނީ ހިރުންދޫ އާއި ވެޔޮފުއްޓެވެ.
ފިޝަރީޒުން ބުނީ މިއަދުން ފެށިގެން އަންނަ މަހުގެ 15ގެ ނިޔަލަށް ބިޑުފޯމް ވިއްކުމަށް ހަމަޖެހިފައިވާ ކަމަށެވެ. ބިޑު ފޯމެއްގެ އަގަކީ 20 ރުފިޔާ އެވެ.
މިއަތޮޅުގެ 20 ރަށެއް މިއަހަރުގެ މާޗުމަހުތެރޭގައިވެސް ބީލަން އުސޫލުން ވަރުވާއަށް ދޫކުރުމަށް ހުޅުވާލި އެވެ. ނަމަވެސް އެރަށްތަކުގެ ތެރޭގައި ހިމާޔަތްކޮށްފައިވާ ސަރަހައްދުގައި ހިމެނޭ ބައެއް ރަށްތައް ހުރުމާއެކު އޭގެ ތެރެއިން ހަތް ރަށެއް ބީލަން އުސޫލުން ވަރުވާ އަށް ދޫނުކުރަން ފިޝަރީޒް މިނިސްޓްރީން ފަހުން ވަނީ ނިންމައިފި އެވެ.
މިނިސްޓްރީން ބުނީ ރަށްތައް ވަރުވާ އަށް ދޫކުރަނީ ބޮޑެތި މަސައްކަތްތައް ކުރަން ނޫން ކަމަށާއި ވަގުތީ ގޮތުން ކުޑަ މަސައްކަތެއް ކުރި ކަމުގައި ވިއަސް އެކަން ކުރެވޭނީ މިނިސްޓްރީގެ ހުއްދަ ނަގައިގެން ކަމަށެވެ. ފަޅުރަށްތައް ވަރުވާއަށް ދޭ ގަވައިދުގައިވާ ގޮތުން އެންމެ ދިގު މުއްދަތަކަށް ވަރުވާއަށް ދެނީ ދިހަ އަހަރަށެވެ.
Hirudhoo akee mihaaru resort eyh hadhaarashey alhe mauloomaathu hoodhaafabaa miliyanee thankolhey boduvaru