ކްލަބް ދަ ބިގިނާރސް އިން އިންތިޒާާމްކޮށްގެން ކުރިޔަށްގެންދާ 3 އޮން 3 ފުޓްބޯޅަ މުބާރާތް ރޭ ފަށައިފިއެވެ.
“މިނިވަން އުފާ” 3 އޮން 3 ސޮކަރ ކަޕް 2016 ގެ ނަމުގައި ކުރިޔަށް ގެންދާ މި މުބާރާތުގައި ރޭ ވަނީ 7 މެޗު ކުޅެފައެވެ. ރޭ ކުޅެން ހަމަޖެހިފައިވާ ފުރަތަމަ މެޗަށް އެފްސީ ހޮޅިމާ ދަނޑަށް ހާޒިރުވެފައި ނުވާތީ އެމެޗް ވަނީ ފެއިމްސް ޔުނައިޓެޑްއަށް ލިބިފައެވެ. ދެވަނަ މެޗުގައި ދަ ބްލޫސް އާއި އެފްސީ ޑޮލަރ ބައްދަލު ކުރި މެޗް ނިމުނީ 1-1 ގެ ނަތީޖާއަކުން ދެ ޓީމްވެސް އެއްވަރުވެގެންނެވެ. ޓީމް ހިކިމިރުސް އާއި އެފްސީ ގުޑުގުޑާ ބައްދަލުކުރި މެޗް ނިމުނީ 1-10 ގެ ތަފާތު ބޮޑު ނަތީޖާއަކުން އެފްސީ ގުޑުގުޑާ މެޗް ކާމިޔާބުކޮށްގެންނެވެ. ހަތަރުވަނަ މެޗްގައި ހުސްސޮގުން ޓީމުން ވަނީ 1-4 ގެ ނަތީޖާއަކުން ބޮކި ބްރޯޒް ބަލިކޮށްފައެވެ. ފަސްވަނަ މެޗުގައި މެޗުގައި ފަހަތަށް ފެންއުކާ ޓީމާއި ކައްކަނީ ބައްދަލު ކުރި މެޗް ނިމުނީ 0-3 ގެ ނަތީޖާއަކުން ކައްކަނީ ޓީމް މޮޅުވެގެންނެވެ. ހަަވަނަ މެޗުގައި އެފްސީ އަގްލިއޯ އޮއިލޯ އާއި އެފްސީ ޑްރީމް ބައްދަލުކުރި މެޗް ނިމުނީ 0-1 ގެ ނަތީޖާއަކުން އެފްސީ އަގްލިއޯ އޮއިލޯ މެޗު ކާމިޔާބުކޮށްގެންނެވެ. ހަތްވަނަ މެޗުގައި އެފްސީ ޖަޑާއާއި ޑައުންޓައުން ބައްދަލު ކުރި މެޗް ނިމުނީ 1-2 ގެ ނަތީޖާއަކުން ޑައުންޓައުން މޮޅުވެގެންނެވެ. ރޭ ކުޅުނު ފަހު މެޗްގައި ޔުނައިޓެޑް ވީއާއި ވެލާ ސިޓީ ބައްދަލު ކުރި މެޗް ނިމުނީ 0-1 ގެ ނަތީޖާއަކުން ވެލާ ސިޓީ މެޗް ކާމިޔާބު ކޮށްގެންނެވެ.
މި މުބާރާތުގައި މިރޭވެސް 8 މެޗް ކުޅުމަށް ވަނީ ހަމަޖެހިފައެވެ. މެޗްތަށް ފަށާނީ 8:30ގައެވެ. މި މުބާރާތުގެ ގްރޫޕް ސްޓޭޖް މެޗްތަށް ނިމޭނީ މާދަމާ ރެއެެވެ.