މިހާރު ބ.އަތޮޅުގެ ރިސޯޓްތަކަށް ހުޅުވާލައިގެން ބ.އޭދަފުށީގައި ކުރިޔަށްގެންދާ އިންޓަރ-ރިސޯޓް ފުޓްބޯޅަ މުބާރާތުގެ ފައިނަލުގެ ފަހު ޖާގަ ޓީ.އެސް.އެމް.އައި.ސީ ހޯދައިފިއެވެ.
މިއަދު ހަވީރު ޓީ.އެސް.އެމް.އައި.ސީ އާއި ކިހާދު މޯލްޑިވްސް ބައްދަލުކުރި ސެމީ ފައިނަލުގެ ދެވަނަ މެޗް ނިމުނީ 1-3 ގެ ނަތީޖާއަކުން ޓީ.އެސް.އެން.އައި.ސީ މޮޅުވެގެންނެވެ. މި މެޗް ގެ އަދި ޓީ.އެސް.އެމް.އައި.ސީ ގެ ފުރަތަމަ ގޯލް ފެނިގެން ދިޔައީ މެޗްގެ 2 ވަނަ މިނިޓްގައެވެ. މި ގޯލް އަކީ ކިހާދު މޯލްޑީވްސް ގެ އަލީ އަމްޖަދް ބައިކޮޅަށްޖެހި ގޯލްއެކެވެ. ޓީ.އެސް.އެމް.އައި.ސީ ގެ ފަހު ދެ ލަނޑުވެސް ކާމިޔާބުކޮށްދިނީ ހަސަން ސުޖާއުއެވެ. ކިހާދުއްފަރު ޓީމުން ޖެހި މެޗްގައި ޖެހި ހަމައެކަނި ގޯލް 80 ވަނަ މިނިޓްގައި ކާމިޔާބުކޮށްދިނީ އަލީ ހުސައިންނެެވެ.
މި ނަތީޖާއާއެކު ޓީ.އެސް.އެމް.އައި.ސީ ވަނީ މި މުބާރާތުގެ ފައިނަލަށް ދަތުރުކޮށްފައެވެ. ފައިނަލުގައި ޓީ.އެސް.އެމް.އައި.ސީ ނިކުންނަން ޖެހޭނީ ދުސިތް ތާނީ އާ ދެކޮޅަށެވެ.
މި މުބާރާތުގެ ފައިނަލް މެޗް އޮންނާނީ އަންނަ ހުކުރު ދުވަހުއެވެ.
މި މުބާރާތުގެ އޮންލައިން މީޑިޔާ ޕާޓްނަރަކީ އީޓީ އެވެ