އަނިޔާވެރިކަމާ ދެކޮޅަށް ކަމަށް ބުނެ އެކަމުން ސަލާމަށްކޮށްދެއްވުންއެދި ބ. ހިތާދޫގައި މިއަދުގެ ހުކުރު ނަމާދަށްފަހު ކޮށްފި އެވެ.
މިދިޔަ އަހަރުން ފެށިގެން އިދިކޮޅު ފަރާތްތަކުން އަނިޔާވެރިކަމާ ދެކޮޅަށް ކަމަށް ބުނެ ކޮންމެ ހުކުރު ދުވަހަކު އިސްލާމީ މަރުކަޒުގައި ދުއާ ކުރަމުން އަންނައިރު ހިތާދޫގައި ދުއާ ކުރަންފަށާފައިވަނީ މިދިޔަ ހުކުރު ދުވަހުން ފެށިގެންނެވެ.
ހިތާދޫން ވާހަކަދެއްކި މީހަކު ބުނިގޮތުގައި ދުއާގައި ބައިވެރިވާ މީހުންގެ އަދަދު އިތުރުވަމުން އަންނަ ކަމަށާއި ނަމަވެސް ސަރުކާރުން ދައްކަމުންދާ ބިރުގެ ސަބަބުން ބައެއްމީހުން ދުއާ ގައި ބައިވެރިވުމަށް ޖެހިލުންވެ އެވެ.
މިއަދުގެ ހުކުރު ނަމާދަށް ފަހު އަނިޔާވެރިކަމާ ދެކޮޅަށް އިސްލާމީ މަރުކަޒުގައި ދުއާކުރަނިކޮށް އެކަން ހުއްޓުވައި، ވީޑިއޯ ކުރި ދެ މީހަކާއި ފޮޓޯޖާނަލިސްޓަކު ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.
މީގެ ކުރިން އިސްލާމީ މަރުކަޒު ދޮށުގައި އިދިކޮޅު ފަރާތްތަކުން ދުއާކުރަނީ ބޭރުގައި ތިބެގެންނެވެ. އެކަމަކު މިއަދު ހުކުރު ނަމާދު ނިމުމުން އެ މީހުން ވަނީ އިސްލާމީ މަރުކަޒުގެ ތިރީ ބައިގެ އެތެރެއަށެވެ.
އަނިޔާވެރިކަމާ ދެކޮޅަށް ކުރަމުން އަންނަ ދުއާއަށް އާންމުކޮށް ފުލުހުން ހުރަސްއެޅިޔަސް މިދިއަ ހުކުރުދުވަހު ފުލުހުން އެ މީހުންގެ ތެރެއަށް ވަދެ، އެކަން ހުއްޓުވާފައެއް ނުވެ އެވެ.