ރިޔާސީ އިންތިހާބުގެ ދެވަނަ ބުރުގައި ވޯޓުލާން ރަސްމީކޮށް ހުޅުވާލި ވަގުތު ހަމަވެ، ވޯޓުލާން ކިޔުއަށް އެރުން ބަންދުކޮށްފި އެވެ.
ވޯޓުލާ ބައެއް މަރުކަޒުތަކުގެ ކިޔުޖެހިފައިވީ ނަމަވެސް ވޯޓުލާން ހުޅުވާލި ވަގުތު އިތުރު ނުކުރާނެ ކަމަށް އިލެކްޝަންސް ކޮމިޝަނުން ބުނެ އެވެ. ނަމަވެސް މިހާރު ވެސް ކިޔުތަކުގައި ޖެހިފައި ތިބި މީހުންނަށް ވޯޓުލުމުގެ ފުރުސަތު އޮންނާނެ އެވެ.
ރިޔާސީ އިންތިޚާބު 2023ގެ ދެވަނަ ބުރުގެ ވޯޓު ނެގުމުގެ ވަގުތު 17:00އަށް ހަމަވެ ކިއުތައްވަނީ ބަންދުކުރެވިފައި. 17:00 އާހަމައަށް ކިއުގައި މީހުންތިބިނަމަ އެ ބޭފުޅުން ވޯޓުލާ ނިމުމުން ފޮށި ބަންދުކުރެވޭނެ pic.twitter.com/AihQrpwVJ1
— Elections Commission (@ElectionsMv) September 30, 2023
އިލެކްޝަންސް ކޮމިޝަނުން ބުނީ ހަވީރު 4 ޖެހުމާ ހަމައަށް 78 ޕަސެންޓް މީހުން ވޯޓުލާފައިވާ ކަމަށެވެ. އެއީ 221،496 މީހުންނެވެ. އަދި ވޯޓުނުލާ 61،308 މީހުން އެބަތިބި ކަމަށް އީސީގެ ތަފާސް ހިސާބުން ދައްކަ އެވެ.
