ބ އަތޮޅު ކައުންސިލް އިންތިޒާމްކޮށްގެން ބ އަތޮޅުގެ ހުރިހާ ރަށަކަށް ހުޅުވާލައިގެން ވޭތިވިދިޔަ 2 އަހަރުވެސް ބޭއްވި ބަށި މުބާރާތުގެ މިއަހަރުގެ މުބާރާތް މިއަދު ހަވީރު ފަށައިފިއެވެ.
އޭދަފުށި ހިއްކިބިމުގައި ކުރިޔަށްދާ މި މުބާރާތުގައި މިއަދު ހަވީރު ކުޅުނު ފުރަތަމަ މެޗްގައި ބައްދަލުކުރީ ގޮއިދޫ އާއި ކިހާދޫ އެވެ. މި މެޗް 32 ލަނޑު 11 ފޯލިން ކާމިޔާބުކުރީ ގޮއިދޫ ބަށި ޓީމުންނެވެ. ކިހާދޫ ޓީމަށް ލިބިފައިވަނީ 17 ލަނޑު 11 ފޯއްޔެވެ.
މިއަދު ކުޅުނު ދެވަނަ މެޗްގައި ބައްދަލުކުރީ ހިތާދޫ އާއި މާޅޮސްއެވެ. މި މެޗް 27 ލަނޑު 7 ފޯލިން ކާމިޔާބުކުރީ ހިތާދޫއިންނެވެ. މާޅޮހަަށް ލިބިފައިވަނީ 18 ލަނޑު 2 ފޯއްޔެވެ.
މި މުބާރާތުގައި މާދަމާ ހަވީރުވެސް 2 މެޗެއް ކުޅުމަށްވަނީ ހަމަޖެހިފައެވެ. ފުރަތަމަ މެޗްގައި 3:45 ގައި ބައްދަލުކުރާނީ އޭދަފުއްޓާއި ކިހާދޫއެވެ. ދެވަނަ މެޗްގައި 4:45 ގައި ބައްދަލުކުރާނީ އެންމެފަހުގެ ޗެންޕިއަން ގޮއިދޫ އާއި ހިތާދޫއެވެ.