ފެބްރުއަރީ 3، 2017: ސެންޓޭ އަށް މިދިޔަ އަހަރު ލިބުނު ކާމިޔާބީތައް ފާހަގަ ކުރުމަށް އޭދަފުށީގައި ބޭއްވި ރަސްމިއްޔާތުގެ ތެރެއިން. ސެންޓޭ ވަނީ މޯލްޑިވްސް ފުޓްބޯލް އެވޯޑްސްގައި ހޮވި ރާއްޖޭގެ މިދިޔަ އަހަރުގެ އެންމެ މޮޅު ފުޓްބޯޅަ ކުޅުންތެރިޔާގެ މަގާމް ގެ އިތުރުން ރަން ބޫޓްވެސް ހާސިލކޮށްފަ އެވެ. މީގެ އިތުރުން ދިވެހި ޕްރިމިއާ ލީގުގެ އެންމެ މޮޅު ކުޅުންތެރިޔާގެ މަޤާމްވެސް މިދިޔަ އަހަރު ހޯދީ ސެންޓޭއެވެ. ސެންޓޭގެ އާއިލާ އާއި ގާތް ރައްޓެހިން އަދި ކްލަބު ސީސީ ގުޅިގެން މިރޭ ބޭއްވި މި ހަފްލާގައި ހާއްސަ މެހެމާނެއްގެ ގޮތުން އެފްއޭއެމްގެ ރައީސް ބައްސާމް އަދީލް ޖަލީލު ވަނީ ބައިވެރިވެ ވަޑައިގެންފަ އެވެ. ބައްސާމުގެ އިތުރުން މަޝްހޫރު ބައެއް ފުޓްބޯޅަ ކުޅުންތެރިންނާއި ކޯޗުންވެސް އެ ހަފްލާގައި ބައިވެރިވެ ވަޑައިގެންނެވި އެވެ. ފޮޓޯ ތައް: އީޓީ ޓީމު / ރާއިފް ޔޫސުފް، ނައުޝަލް އަދި ތޯރިގް
