އެކި މައްސަލަތަކުގައި ފުލުހުންގެ ބެލުމުގެ ދަށަށް ގެންގޮސްފައިވާ ތަކެތީގެ ތެރެއިން ބ. އޭދަފުށީ ޕޮލިސް ސްޓޭޝަންގެ ބެލުމުގެދަށުގައި ހުރި ގިނަ އަދަދެއްގެ ބަނގުރަލާއި ބިޔަރު ދަޅުތަކެއް ނައްތާލައިފި އެވެ.
ބ. އޭދަފުށީގައި މިއަދު ހަވީރު ނައްތާލާފައި ބ. ދަރަވަންދޫ އެއާޕޯޓަށް ފުރަންދާ އެކި ފަތުރުވެރިންގެ އަތުން މިދިޔަ އަހަރު ހިފަހައްޓާފައިވާ ބަނގުރާ ފުޅިއާއި ބިޔަރު ދަޅުތަކެވެ. އެގޮތުން 383 ބަނގުރާ ފުޅި އާއި 169 ބިޔަރު ދަޅު ނައްތާލި އެވެ.
ފުލުހުން އެތަކެތި ނައްތާލީ، އެކަމަށްޓަކައި އުފައްދާފައިވާ ހާއްސަ ކޮމެޓީ އާއި މީޑިޔާގެ ހާޒިރުގަ އެވެ.
ފުލުހުންނަށް ހުށަހެޅި ތަހުގީގު ނިމޭ ބަނގުރަލާއި މަސްތުވާތަކެތި ފުލުހުންވެސް ދަނީ ދޭތެރެ ދޭތެރެއިން ނައްތާލަމުންނެވެ.