އަނަންތަރަ ކިހަވަށް ރިސޯޓުގައި ކޮންމެ ރަމަޟާން މަހެއްގައި ބާއްވަމުން އަންނަ ކިހަވަށް ރަމަޟާން ފުޓްސަލް ޖެލެންޖް ރޭ ފަށައިފިއެވެ.
މި މުބާރާތުގައި ރޭ ކުޅުނު ފުރަތަމަ މެޗް ގައި ބައްދަލުކުރީ ޓީމް އޭދަފުއްޓާއި ކަންޑޯއެވެ. މި މެޗް 0-5 ގެ ތަފާތު ބޮޑު ނަތީޖާއަކުން ކާމިޔާބުކުރީ ޓީމް އޭދަފުއްޓެވެ. ދެވަނަ މެޗްގައި ބައްދަލުކުރީ އެފް.ސީ ބާޒް އަދި ޓީމް މާހޯރައެވެ. މި މެޗް ނިމުނީ 2-2 ގެ ނަތީޖާއަކުން އެއްވަރުވެގެންނެވެ.
އަނަންތަރަ ރިސޯޓުގެ ޓާފް ފުޓްސަލް ދަނޑުގައި ކުރިޔަށް ގެންދާ މި މުބާރާތުގައި މި އަހަރު ޖުމްލަ 7 ޓީމަކުން ވަނީ ބައިވެރިވެފައެވެ. އެއީ ޓީމް އޭދަފުށި ، ކަންޑޯ ، އެފް.ސީ ބާޒް ، ޓީމް މާހޯރަ ، ޓީމް އާރުބީ ، ޑާކާ ކިންގް އަދި ވަލި އުކާ އެވެ.
މި މުބާރާތް ކުރިޔަށް ދާނީ 31 މެއި އިން 14 ޖޫން ގެ ނިޔަލަށެވެ.
އަނަންތަރަ ރިސޯޓުން ބުނި ގޮތުގައި “ކިހަވަށް ރަަމަޟާން ފުޓްސަލް ޗެލެންޖް” ގެ ނަމުގައި މި މުބާރާތް ބޭއްވުމުގެ މަގުސަދަކީ ރިސޯޓުގައި މަސައްކަތްކުރާ މުވައްޒަފުންގެ މެދުގައި އެކުވެރިކަން ބަދަހިކޮށް، އިޖްތިމާއީ ރޫހާއި ކުޅިވަރުގެ ރޫހް އާލާކުރުމާއި އެކުވެރިކަމާއި އެއްބައިވަންތަކަން އިތުރުކުރުމެވެ.