ވެސްޓް ވިންގްސް އޭދަފުށި ޖަމީއްޔާ އިން އިންތިޒާމް ކޮށްގެން ކުރިޔަށްގެންދާ ޕީއެސް 4 (ފީފާ 17) ފުޓްބޯޅަ މުބާރާތް ފަށައިފިއެވެ.
32 ކުޅުންތެރިންނާއެކު މި މުބާރާތް ފަށާފައިވަނީ އިއްޔެ މެންދުރު އެވެ. މުބާރާތުގެ ހުރިހާ މެޗެއްވެސް ކުރިޔަށްދާނީ އޭދަފުށީ ބެއްލަ ވިސްޓާ ރެސްޓޯރަންޓްގައި ކަމަށް އެ ޖަމީއްޔާއިން މައުލޫމާތުދެއެވެ.
މި މުބާރާތް ކުރިޔަށްދާނީ މިމަހު 2 ވަނަ ދުވަހުން ފެށިގެން 10 ވަނަ ދުވަހުގެ ނިޔަލަށެވެ.
މި މުބާރާތުން އެއްވަނަ އަށް ދާ ފަރާތަކަށް 3000 ރުފިޔާ އަދި ދެވަނަ އަށް ދާ ފަރާތަކަށް 2000 ލިބޭ އިރު 3 ވަނަ އަށް ދާ ފަރާތަކަށް 1000 ރުފިޔާ ލިބޭނެ ކަމަށް އެފަރާތުން މައުލޫމާތު ދެއެވެ.
މި ގްރޫޕްގެ ފަރާތުން މިދިޔަ އަހަރުވެސް ވަނީ ޕީއެސް 4 (ފީފާ16) ގެ ނަމުގައި މުބާރާތެއް ކުރިޔަށްގެންގޮސްފައެވެ.
