ބ.އޭދަފުށީގެ ޓީމުތަކަށް އަމާޒުކޮށްގެން އޭދަފުށީގައި އަންނަ ފިތުރު އީދުގައި ބަނަފްސާ ކަންމަތި (ބީކޭ) ގްރޫޕުން އިންތިޒާމްކޮށްގެން ބާއްވާ 21 އަހަރުން ދަށުގެ ފުޓްސަލް މުބާރާތުގެ ގުރުނެގުމުގެ ރަސްމީޔާތު ބާއްވައިފިއެވެ.
މިރޭ ސަލްސާ ރިޓްރީޓް ގައި އޮތް ގުރު ނެގުމުގެ ރަސްމީޔާތުގައި މުބާރާތުގައި ބައިވެރިވާ 6 ޓީމު ވަނީ 2 ގްރޫޕަކަށް ބަހާލާފައެވެ.
ގްރޫޕް “އޭ” ގައި ހިމެނެނީ ރާޅު ބޯއިޒް ، ޑައުންޓައުން އެފްސީ އަދި އިރުމަތި ލަވާރސް ޓީމެވެ.
ގްރޫޕް ބީ ގައި ހިމެނުނު ޓީމްތަަކީ ކިންގްސް ސްޕޯޓްސް ކްލަބް ، އެފްސީ ކިއު ޕީއެސް އަދި ފެއިމްސް ޔުނައިޓެޑްއެވެ.
މުބާރާތުގެ ފުރަތަމަ މެޗުގައި 23 ޖޫން ވާ ދުވަހުގެ ރޭ ވާދަކުރާނީ ރާޅު ބޯއިޒް އާއި ޑައުންޓައުން އެފްސީއެވެ. މި މުބާރާތް ކުރިއަށް ގެންދިއުމަށް ހަމަޖެހިފައިވަނީ މިމަހުގެ 23 އިން 27 އަށް އޭދަފުށީ ފުޓްސަލް ދަނޑުގައެވެ.