އޭދަފުށީ ޒުވާން ގްރޫޕަކުން އިންތިޒާމުކޮށްގެން ބާއްވާ އޭދަފުށި ފުޓްސަލް ޗެލެންޖް މިއަދު ހެދުނނު ފަށައިފިއެވެ.
އޭދަފުށި ސްޓޭޖް ސަރަހައްދުގައި ކުރިޔަށް ގެންދާ މި މުބާރާތުގައި މިއަދު ހެނދުނު ވަނީ 2 މެޗެއް ކުޅެފައެވެ. ފުރަތަމަ މެޗްގައި ބައްދަލުކުރީ ޔުނައިޓެޑް ވީ އާއި އިރުމަތި ލަވާރސް ޓީމެވެ. މި މެޗް ފަސޭހަކަމާއެކު 0-5 ގެ ނަތީޖާއަކުން ކާމިޔާބުކުރީ ޔުނައިޓެޑް ވީ އިންނެވެ. މި މެޗްގައި މި މެޗްގައި ސަމީ އިބްރާހިމް އަދި މުހައްމަދު ފާސިރު ވަނީ 2 ލަނޑު ޖެހި އިރު އަނެއް ލަނޑު ޔުނައިޓެޑް ވީ އަށް ކާމިޔާބުކޮށްދިނީ އިޝާން އިބްރާހިމް (ސައްޓު) އެވެ.
މި މެޗްގެ މޭން އޮފް ދަ މެޗަކަށް ހޮވިފައިވަނީ ޔުނައިޓެޑް ވީ ގެ ސަމީ އިބްރާހިމްއެވެ.
ހެދުނނު ކުޅުނު 2 ވަނަ މެޗްގައި ބައްދަލުކުރީ ކައްކަނީ ޓީމާއި ވެލާ ސިޓީ އެވެ. މި މެޗް 1-3 ގެ ނަތީޖާއަކުން ކާމިޔާބުކުރީ ވެލާ ސިޓީ ޓީމުންނެވެ. މި މެޗްގައި ވެލާ ސިޓީ ޓީމަށް އަހުމަދު އަލީ 1 ލަނޑު ކާމިޔާބުކޮށްދިން އިރު އިސްމާއިލް ފައުޒީ ވަނީ 2 ލަނޑު ވެލާ ސިޓީއަށް ކާމިޔާބުކޮށްދީފައެވެ. ކައްކަނީ ޓީމުން ކާމިޔާބުކުރި ހަމައެކަނި ލަނޑު އެޓީމަށް ކާމިޔާބުކޮށްދިނީ އިބްރާހިމް ހަލީމްއެވެ.
މި މެޗްގެ މޭން އޮފް ދަ މެޗަކަށް ހޮވިފައިވަނީ ވެލާ ސިޓީގެ އިސްމާއިލް ފައުޒީއެވެ.
މި މުބާރާތުގައި މިއަދު ހަވީރުވެސް 2 މެޗެއް ކުޅުމަށް ވަނީ ހަމަޖެހިފައެެވެ. ހަވީރު 4:00 ގައި ބައްދަލުކުރާނީ ބޮކި ބްރޯޒް ޓީމާއި ދަ ޗެލެންޖާޒް ޓީމެވެ. ދެވަނަ މެޗްގައި 5 ޖަހާއިރު ބައްދަލުކުރާނީ ކައްކަނީ ޓީމާއި އެފްސީ ފެމިލީއެވެ