އޭދަފުށީގެ ގްރޫޕެއް ކަމަށްވާ ބަނަފްސާ ކަންމަތި (ބީކޭ) ގްރޫޕުން އިންތިޒާމްކޮށްގެން ބާއްވާ 21 އަހަރުން ދަށުގެ ފުޓްސަލް މުބާރާތުގެ ސެމީ ފައިނަލަށް ދަތުރުކުރި ޓީމްތައް ކަށަވަރުވެއްޖެއެވެ.
ސެމީ ފައިނަލަށް ދަތުރުކުރި ޓީމްތަށް ކަށަވަރުވީ މިރޭ ކުޅުނު ގްރޫޕް ސްޓޭޖްގެ ފަހު މެޗްތަށް ނިމުމުންނެވެ.
މި މުބާރާތުގެ ސެމީ ފައިނަލަށް ގްރޫޕް އޭ އިން ދަތުރުކޮށްފައިވަނީ ޑައުންޓައުން އާއި އިރުމަތި ލަވާރސް ޓީމެވެ.
ގްރޫޕް ބީ އިން ސެމީގެ ޖާގަތަށް ކަށަވަރުކުރީ ފެއިމްސް ޔުނައިޓެޑާއި ކިންގް ސްޕޯޓްސްއެވެ.
މި މުބާރާތުގެ ސެމީ ފައިނަލުގެ ފުރަތަމަ މެޗްގައި މާދަމާ ރޭ 8:30 ގައި ޑައުންޓައުން ނިކުންނާނީ ފެއިމްސް ޔުނައިޓެޑާއި ދެކޮޅަށެވެ. އަދި ސެމީ ފައިނަލުގެ ފަހު މެޗްގައި 9:30 ގައި ކިންގް ސްޕޯޓްސް ނިކުންނާނީ އިރުމަތި ލަވާރސްއާއި ދެކޮޅަށެވެ.
މި މުބާރާތުގެ މެއިން ސްޕޮންސަރަކަށް ރެޑްވޭވް ހަމަޖައްސާފައިވާއިރު ޓެލެކޮމް ޕާޓްނަރަކަށް ހަމަޖައްސާފައިވަނީ ދިރާގެވެ. ބެވަރޭޖް ޕާޓްނަރަކީ ބެއްލަ ވިސްޓާ ރެސްޓޯރަންޓެވެ. ޓެކްނިކަލް ޕާޓްނަރަކަށް އަފްރޯ ސާވިރސް ސެންޓަރ ހަމަޖައްސާފައިވާ އިރު އޮންލައިން މީޑިއާ ޕާޓްނަރަކަށް ހަމަޖައްސާފައިވަނީ އޭދަފުށިޓައިމްސް (އީޓީ) އެވެ.