އޭދަފުށި ޔޫތް ޑިވެލޮޕްމަޓް ގެ ފަރާތުން އިންތިޒާމްކޮށްގެން ކުރިޔަށްގެންދިޔަ “އޭދަފުށި ފުޓްސަލް ޗެލެންޖް 2017” ގެ ޗެންޕިއަންކަން ޔުނައިޓެޑް ވީ ހޯދައިފިއެވެ.
މިއަދު ހަވީރު އޭދަފުށި ސްޓޭޖް ސަރަހައްދުގައި ކުޅުނު މި މުބާރާތުގެ ފައިނަލް މެޗްގައި ވެލާ ސިޓީ އާ ވާދަކޮށް ޔުނައިޓެޑް ވީ މި މެޗް ކާމިޔާބުކުރީ 1-3 ގެ ނަތީޖާއަކުންނެވެ. މި މެޗްގައި ޔުނައިޓެޑް ވީ ގެ ލަނޑުތަށް ކާމިޔާބުކުރީ އިޝާން އިބްރާހިމް (ސައްޓު) ، މުއާޒް އަލީ އަދި މުހައްމަދު ފާސިރު (ފާއްޓެ) އެވެ. ވެލާ ސިޓީން މި މެޗްގައި ޖެހި ހަމައެކަނި ލަނޑު އެޓީމަށް ކާމިޔާބުކޮށްދިނީ އިބްރާހިމް ޝަރީފް އެވެ.
ފައިނަލް މެޗްގެ މޭން އޮފް ދަ މެޗަކަށް ހޮވިފައިވަނީ ޔުނައިޓެޑް ވީ ގެ މުހައްމަދު ފާސިރު (ފާއްޓެ)އެވެ.
މި މުބާރާތުގެ އެންމެ މޮޅު ކޯޗަކަށް ޔުނައިޓެޑް ވީ ގެ ޝާފީ އަލީ ހޮވުނު އިރު ފެއާ ޕްލޭ ޓީމަކަށް ހޮވިފައިވަނީ ދަ ޗެލެންޖާޒް ޓީމެވެ.
މި މުބާރާތުގެ އެންމެ މޮޅު 5 ކުޅުންތެރިންނަށް ހޮވިފައިވަނީ ޔުނައިޓެޑް ވީ ގެ މުހައްމަދު ފާސިރު ، ސާމީ އިބްރާހިމް ، އަފްޒަލް އިބްރާހިމްގެ އިތުރުން ވެލާ ސިޓީގެ ޝާހީ މޫސާ އަދި ދަ ޗެލެންޖާޒް ޓީމުގެ އަލީ މާނިހްއެެވެ.
މުބާރާތުގެ އެެންމެ ގިނަ ގޯލް ޖެހި ކުޅުންތެރިޔާގެ މަގާމް މުހައްމަދު ފާސިރު (ފާއްޓެ) ހޯދި އިރު މުބާރާތުގެ އެންމެ މޮޅު ކުޅުންތެެރިޔާގެ މަގާމް ހޯދާފައިވަނީ ސާމީ އިބްރާހިމެވެ.
