އޭދަފުށީގައި މިހާރު ކުރިއަށްދާ އިންޓަ ރިސޯޓް ފުޓްބޯޅަ މުބާރާތުގައި މިއަދު ހަވީރު ކުޅުނު މެޗުން ފޯ ސީޒަން މޯލްޑިވްސް އަތުން 3-0 އިން ސޮނެވާފުށި ފަސޭހަ މޮޅެއް ހޯދައިފި އެވެ.
ސޮނެވާއަށް ލީޑުނެގީ މެޗުގެ 18 ވަނަ މިނިޓްގައި އެ ޓީމުގެ އަޒީމު ކާމިޔާބުކޮށްދިން ލަނޑުންނެވެ. ފުރަތަމަ ހާފް ނިމުމުގެ ކުރިން ސޮނެވާގެ ލީޑުފުޅާކޮށްދިނީ ހަސަން ސުޖާއު އެވެ.
ސޮނެވާގެ ފަހު ލަނޑު މެޗް ނިމެން 17 މިނެޓަށްވެފައި ވަނިކޮށް ކާމިޔާބުކޮށްދިނީ ފާލިހްއެވެ.
މެޗުގެ މޮޅު ކުޅުންތެރިއާގެ މަގާމު ލިބުނީ ސޮނެވާގެ ހަސަން ސުޖާއު އަށެވެ.
އޭދަފުށީ ޒުވާނުންގެ ކްލަބުން އިންތިޒާމްކުރާ މި މުބާރާތުގައި މާދަމާ ހަވީރު ބައްދަލުކުރާނީ ޑްސިޓް އާއި ކިހާދު މޯލްޑިވްސް އެވެ. މެޗު ފަށާނީ ހަވީރު 15:50 ގަ އެވެ.
މިމަހުގެ 16 އިން 28 ގެ ނިޔަލަށް ކުރިއަށް ގެންދިޔުމަށް ހަމަޖެހިފައިވާ މި މުބާރާތުގައި މިއަތޮޅުގެ 7 ރިސޯޓަކުން ވާދަކުރެ އެވެ.
