އާ މަންހަޖުގެ ދަށުން ހުރިހާ ކުދިން ޝާމިލް ކޮށްގެން ތަޢުލީމު ފޯރުކޮށްދޭނެ ގޮތްތައް އުނގަންނައިދިނުމަށް، ނެޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) އާއި ބ. ޓީއާރުސީ އަދި ބ. އަތޮޅު ކައުންސިލް އިދާރާ ގުޅިގެން އޭދަފުށީގައި ވޯކް ޝޮޕެއް ފަށައިފި އެވެ.
ބ. އަތޮޅުގެ ސްކޫލުތަކަށް އަމާޒުކޮށްގެން ބ. ޓީއާރުސީގައި ދެ ދުވަހުގެ މުއްދަތަށް ކުރިއަށްގެންދާ މި ވޯކްޝޮޕުގައި 43 ޓީޗަރުން ބައިވެރިވި އެވެ.
ވޯކްޝޮޕްގެ ކޯޑިނޭޓަރު ޓީޗަރ އެޑިޔުކޭޓަރު މުހައްމަދު އާރިފް ވިދާޅުވި ގޮތުގައި މި ވޯކްޝޮޕް ގައި ސްކޫލުތަކުގައި ކިޔަވައިދެއްވާ އިރު މުދައްރިސުން، ވަކިވަކި ކުދިންގެ ފަރުދީ ތަފާތުތަކަށް ރިޢާޔަތްކޮށްގެން ކަންތައްތައް ކުރަންވީ ގޮތާއި، އުނގެނުމުގައި ޚާއްސަ އެހީއަށް ބޭނުންވާ ދަރިވަރުންނަށް އުނގަންނައި ދިނުމުގައި އަމަލީގޮތުން އެހީތެރިކަން ފޯރުކޮށްދޭނެ ގޮތްތައް މުދައްރިސުންނާާ ހިއްސާ ކުރެވޭނެ އެވެ.
ބ. އަތޮޅު ކައުންސިލުގެ ވަރަށް ބޮޑު އެހީތެރިކަމާއެކު ކުރިއަށް ގެންދާ މި ވޯކްޝޮޕުގެ ބައިވެރިންނަށް ކިޔަވައިދެއްވަނީ، މި ދާއިރާގެ ތަޖުރިބާކާރު ބޭފުޅުންނެވެ.
Thank you NIE, TRC & Atoll Council