އޭދަފުށީ ދެ ބޭފުޅަކަށް ހިތްވަރު ދިނުމުގެ ގައުމީ އިނާމު ލިބިވަޑައިގެންފި އެވެ.
މިރޭ ގައުމީ އިނާމު ލިބިވަޑައިގެންނެވި އޭދަފުށީ ދެ ބޭފުޅުންނަކީ އޭދަފުށީ ފިނިހިޔާގޭ އައްޝައިޚް އަބްދުލްމަޖީދު މުޙައްމަދު އާއި ދިލްކަޝްގޭ ޢަބްދުއްރަޝީދު އަލީ އެވެ.
ޢަބްދުލްމަޖީދު މުހައްމަދަށް ހިތްވަރުދިނުމުގެ ޤައުމީ އިނާމު ލިބިވަޑައިގެންނެވީ ކީރިތި ޤުރުއާން ކިޔެވުމަށާއި އުނގަންނައިދިނުމާއި، ކީރިތި ޤުރުއާނުގެ ޢީލްމުގެ ދާއިރާއިން ކީރިތި ޤުރުއާން ކިޔެވުމާއި އުނގަންނައިދނުމުގެ ދާއިރާއިންނެވެ.
އަބްދުއްރަޝީދު ޢަލީ އަށް ހިތްވަރުދިނުމުގެ ޤައުމީ އިނާމު ލިބިވަޑައިގެންނެވީ ދިވެހިބަހާއި އަދަބިއްޔާތުގެ ދާއިރާއިން ދިވެހި ބަހާއި ދިވެހި ބަހުގެ އިލްމު ކުރިއެރުވުމާއި ބަސް ދިރާސާ ކުރުމުގެ ދާއިރާއިންނެވެ.
ޝަރަފުވެރި ކަމުގެ މި އަހަރުގެ ގައުމީ އިނާމާއި ހިތްވަރު ދިނުމުގެ ގައުމީ އިނާމު 20 ބޭފުޅަކަށް، މިރޭ ސަރުކާރުން ވަނީ ދީފައެވެ.
މި އަހަރުގެ މިނިވަން ދުވަހުގެ ރަސްމީ ޖަލްސާގައި މިރޭ އިނާމުތައް ހަވާލުކޮށްދެއްވީ ރައީސް އަބްދުﷲ ޔާމީނެވެ.
“އީޓީ” ގެ ފަރާތުން ޝެއިޚް މަޖީދު އަދި އަބްދުއްރަޝީދު އަށް ވަރަށް ހޫނު މަރުހަބާއެއް ކިޔަމެވެ.
