ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ކްލަބް އޭދަފުއްޓާއި ބ. އަތޮޅު ތައުލީމީ މަރުކަޒުގެ ޕީޓީއޭ ގުޅިގެން ހިންގި ގްރާސް ރޫޓްސް ކޯޗިން ކޯސް އިއްޔެ ނިންމާލައިފި އެވެ.
އެކަން ނިންމުން ފާހަގަކުރަން އިއްޔެ ހަވީރު މިރަށު ފުޓްބޯޅަ ދަނޑުގައި ވަނީ ކުޑަކުދިންގެ ފުޓްބޯޅަ ފެސްޓިވަލެއް ވެސް ބާއްވައިފަ އެވެ. އެ ހަރަކާތުގައި ގިނަ އަދަދެއްގެ ކުޑަކުދިން ވަނީ ބައިވެރިވެފަ އެވެ.
މި މަހުގެ 10 ވަނަ ދުވަހު ފެށި މި ކޯސް އިއްޔެ ނިންމާލި އިރު 17 ބައިވެރިޔަކު ވަނީ ސެޓްފިކެޓް ހާސިލްކޮށްފަ އެވެ.
ކޯހުގައި ކިޔަވައި ޒުވާނުންގެ މެދުގައި އެންމެ މަޤްބޫލް ފުޓްބޯޅަ ކޯޗް އަހްމަދް ޝަރީފް (ޑުންގާ) އެވެ. ޑުންގާ އަކީ ފީފާގެ ގްރާސްރޫޓް އިންސްޓްރަކްޓަރެކެވެ.
އެފްއޭއެމް އިން ފީފާގެ އެހީތެރިކަމާއި އެކު ހިންގާ ގްރާސް ރޫޓް ޕްރޮގްރާމްގެ ބޭނުމަކީ ކުޑަކުދިން ފުޓްބޯޅައަށް އަހުލުވެރިކޮށް، ތަމްރީނުތައް ފޯރުކޮށްދިނުމެވެ.
އެފްއޭއެމުން ބުނި ގޮތުގައި ގްރާސް ރޫޓް ކޯޗިން ކޯސްތަކުން ކޯޗުން މެދުވެރިކޮށް ފުޓްބޯޅަ ކުރިއެރުވުމަށް ގިނަ މަސައްކަތްތަކެއް އެ އިދާރާއިން ކުރިއަށް ގެންދާނެ އެވެ.