ޑާކް ރެއިން އެންޓަޓައިންމަންޓްގެ އާ ފިލްމު “މާމުއި” ޖޫން 13ވަނަ ދުވަހުގެރޭ އޭދަފުށީގައި އަޅުވަން ނިންމައިފި އެވެ.
މި ފިލްމަކީ އަލީ (ޗިއްޕެ) ޝިފާއުގެ ޑައިރެކްޝަނެކެވެ. ކޮމެޑީ ފިލްމު “މާމުއި” އަކީ މިދިޔަ އަހަރު ގެނެސް ދިން “ވަކިން ލޯބިން” އަށް ފަހު ޗިއްޕެ ގެނެސްދޭ ފުރަތަމަ ފިލްމެވެ.
މީގެ މުހިއްމު ކާސްޓުންނަކީ ޖުމައްޔިލް (ޖުމަލް) ނިމާލް، މަރިޔަމް އައްޒަ، އިސްމާއީލް (ޖުމާ) ޖުމައިހް، ނުޒުހަތު (ނުޒޫ) ޝުއައިބް، އަބްދުﷲ (ފުބޫ) ޝާފިއު، މަރިޔަމް (މަޖޫ) މަޖުދާ، ޝީލާ ނަޖީބް އަދި އަހުމަދު (ޝާއްކޮ އައްމަޑޭ) ޝާކިރެވެ.
އަންނަ ހޮނިހިރު ދުވަހު ފިލްމު އޭދަފުށީގައި އަޅުވަން ނިންމި އިރު، ފިލްމުގެ ޓިކެޓް ދަ ބިގިނާސް އިން މިހާރު އަންނަނީ ބުކްކޮށް ދެމުންނެވެ. ހޮޓްލައިނަކީ 7904426 އެވެ.
