މިހާރު ކުރިއަށްދާ އެލްމޯބައިލް ޔޫތް ޗެމްޕިއަންޝިޕް ފުޓްބޯޅަ މުބާރާތުގެ ގުރޫޕު ސްޓޭޖުގައި އޭދަފުށީ ޔޫތް ޓީމުގެ ދެވަނަ މެޗުގައި މިއަދު ހަވީރު ކެލާ ނާޅި ސްޕޯޓްސްއާދެކޮޅަށް ނުކުންނާނެއެވެ.
ފުރަތަަމަ މެޗުގައި އޭވައިއެލް އަތުން 1-2 ކުން އޭދަފުށީ ޓީމް ބަލިވެފައިވުމުން އޭދަފުށީ ޓީމު މިއަދުގެ މެޗުން މޮޅުވުން ވަނީ މަޖުބޫރުވެފައެވެ. އަދި މި ގުރޫޕުގެ ބީޖީ އަދި އޭވައިއެލް ބައްދަލުކުރާ މެޗު އޮތީ މިރޭ 9:00 ގައެވެ.
މިއަދު ހަވީރު 4:10ގައި އެއްނަންބަރު ޓާފް ދަނޑުގައި ކުޅޭ މެޗްގައި އޭދަފުއްޓަށް ސަޕޯޓް ކުރުމަށް ވީހާވެސް ގިނަ ސަޕޯޓަރުން ދިއުމަކީ ކުޅުންތެރިންނާއި މެނޭޖްމަންޓްގެ ވަރަށް ބޮޑު އެދުމެކެވެ.
