އޭދަފުށީގައި މިހާރު ކުރިޔަށްދާ މަރުހޫމް އަހްމަދު ޝާހީން ފުޓްސަލް ޗެލެންޖްގެ ފައިނަލަށް ސޮނެވާފުށީ ޓީމާ، ފެއިމްސް ޔުނައިޓެޑް ހިނގައްޖެއެވެ.
ޗެންޕިއަން ޓީމަށް 10000ރުފިޔާދޭ މިމުބާރާތުގެ ފައިނަލަށް ސޮނެވާފުށީ ޓީމް ދަތުރުކުރީ އިއްޔެ ހަވީރު އަނަންތަރާއާއެކު ކުޅުނު ސެމީފައިނަލްގެ ފުރަތަމަ މެޗް 9-4ގެ ބޮޑުތަފާތަކުން މެޗްކާމިޔާބުކޮށްގެންނެވެ. މިމެޗްގެ އެންމެ މޮޅުކުޅުންތެރިއަކަށް ހޮވުނު ސޮނެވާފުށީގެ ތަޖުރިބާކާރު ކުޅުންތެރިޔާ އަބްދުލްމަޖީދުވަނީ މިމެޗްގައި ސޮނެވާފުއްޓަށް 4 ލަނޑުޖަހާދީފައެވެ. ސޮނެވާފުށީގެ އެހެންލަނޑުތައް ކާމިޔާބުކުރީ އަޒްމީން (2ގޯލް)، މާޖިދު (2ގޯލް) އަދި ޝިޔާމް (1ގޯލް) އެވެ. އަނަންތަރާގެ 4 ގޯލްގެތެރެއިން 2 ގޯލް ޒަހީން ކީމިޔާބުކުރިއިރު، އަހްމަދު ހުސައިންވެސް 2 ގޯލް ކާމިޔާބުކުރިއެވެ.
އިއްޔެ ކުޅުނު ސެމީގެ 2 ވަނަމެޗްގައި ފެއިމްސް ޔުނައިޓެޑް ފައިނަލަށް ދިޔައީ އެފްސީ ސޫޕާ ބައްދަލުކޮށް 4-1ން މެޗް ކާމިޔާބުކޮށްގެންނެވެ. ފެއިމްސް އިން ޖެހި 4 ގޯލްގެތެރެއިން 2 ގޯލް އަލީ ޒުބެއިރު ޖެހިއިރު އަނެއްދެގޯލް ޖެހީ މައުމޫން އަދި ޒައީމްއެވެ. ސޫޕްގެ ހަމައެކަނި ލަނޑު ވައްދާލީ މުހައްމަދު ފާސިރުއެވެ.
