ބ. އަތޮޅު މަދަރުސާގެ “ހެދޭކުރި” ޖަމިއްޔާގެ އިސްލާމް ފޯރަމުން އިންތިޒާމުކޮށްގެން އެ ސްކޫލުގެ ކްލާސްތަކުގެ މެދުގައި އިންޓަ ކްލާސް ޤުރުއާން މުބާރާތެއް ބާއްވައިފި އެވެ.
ބ. ދަރަވަންދޫގައި ހުންނަ މިއަތޮޅު މަދަރުސާގައި މިމަހުގެ 21-23 ގެ ނިޔަލަށް ބޭއްވި މި މުބާރާތުގައި އެ ސްކޫލުގެ ހުރިހާ ދަރިވަރުން ބައިވެރިވެފައިވާ ކަމަށް އެ ސްކޫލުން ބުންޏެވެ.
މި މުބާރާތުގެ ގްރޭޑް 1،2 އަދި 3 ގެ ބައިން އެއްވަނަ ހޯދީ ދާނިޝް މުހައްމަދު ފަތުހީ އެވެ. މި ބައިން އެއްވަނަ ކްލާހަކަށް ހޮވުނީ ގްރޭޑް 3 އެވެ.
ގްރޭޑް 4، 5 އަދި 6 ގެ ބައިން އެއްވަނަ ލިބުނީ އަހްމަދު ޔައީޝް ޝަހީމު އާއި ހުސައިން ނާޝިއު އަށެވެ. މި ބައިން އެއްވަނަ ކްލާހަކަށް ހޮވުނީ ގްރޭޑް 5 އެވެ.
ގްރޭޑް 7 ން މަތީގެ ބައިން އެއް ވަނަ ހޯދީ އަހްމަދު ޒިޔާން އެވެ. މި ބައިން އެއްވަނަ ކްލާހަކަށް ހޮވުނީ ގްރޭޑް 9 އޭ އެވެ.
މުބާރާތުގައި ކޮންމެ ކެޓަގަރީއަކުންވެސް އެއްވަނައިގެ އިތުރުން ދެވަނަ އަދި ތިންވަނަވެސް ހޮވާފައިވެ އެވެ.
ބ. އަތޮޅު މަދަރުސާއިން ބުނިގޮތުގައި މި މުބާރާތަކީ އަންނަ މަހު އެ ސްކޫލުގައި ބާއްވާ އިންޓަރ ހައުސް ގުރުއާން މުބާރާތަށް ދަރިވަރުން ހޮވުމަށް ބޭއްވި އޮޑިޝަން މުބާރާތެކެވެ.