ސަރުކާރުން ކުރިއަށް ގެންދާ “ފަހި އަލި” ޕްރޮގްރާމްގެ ދަށުން ބ. އޭދަފުށީ މަގުމަތީ ބައްތިތައް ލެޑް ލައިޓަށް ބަދަލުކުރުމުގެ މަސައްކަތް ފަށައިފި އެވެ.
އޭދަފުށީ ކައުންސިލުގެ ރައީސް އަލީ ވަހީދު ވިދާޅުވީ ރަށްރަށުގެ ބަނދަރުތަކާއި މަގުމަތީ ބައްތިތައް ތިމާވެށްޓާ ރައްޓެހި އެއްޗިއްސަށް ހެދުމަށް ކުރިއަށް ގެންދާ މަސައްކަތުގެ ދަށުން އޭދަފުށީ މަގުމަތީ ބައްތިތައް ލެޑް ލައިޓަށް ބަދަލުކުރުމުގެ މަސައްކަތް މިދިޔަ ހަފްތާތެރޭ ފަށާފައިވާ ކަމަށެވެ. މި ލައިޓްތައް “ފަހި އަލި” ޕްރޮގްރާމް ދަށުން ކައުންސިލާ ހަވާލުކުރީ އެންވަޔަރަމަންޓް މިނިސްޓްރީންނެވެ.
ކައުންސިލުން ބުނީ މިނިސްޓްރީން ދީފައި ވަނީ 3 ވޮޓްގެ 200 ލައިޓް ކަމަށެވެ.
ލެޑް ލައިޓްތަކަށް ބަދަލުކުރުމުން މިހާރު ލައިޓްތަކަށް ދާ ކަރަންޓް ހަރަދުގެ 50 ޕަސެންޓް ކުޑަވެ، އެ އެއްޗެހި ބެލެހެއްޓުމަށް ހިނގާ ހަރަދު ވެސް ވަރަށް ބޮޑުތަން ކުޑަވެގެންދާނެ ކަމަށްވެސް ކައުންސިލުން ބުންޏެވެ.
މިއީ ކާބަން ނިއުޓްރަލް ގައުމަކަށް ރާއްޖެ ހަދަން ކުރާ މަސައްކަތަށް އިތުރު ބާރެއް ލިބޭނެ ކަމެއް ކަމަށްވެސް ކައުންސިލުން ބުނެ އެވެ.
ފުލި ބައްތި ދިއްލަންވީނު، ވީހާވެސް އަދިރިކޮށް ބާއްވާ، އޭރުން ރަގަޅުވާނެ. ލެޑޭބުނީމަ ހީވަނީ، ވަރަށް އަލިގަދަވާނެހެންތަ، ތިލެޑް ޖެހުމަށަވުރެ ރަގަޅުވާނެ ނުދިއްލާ އަނދިރިކޮށް ބޭއްވިއްޔާ ، އޭރުން ތިމާވެއްޓާ މާ ރަށްޓެހިވާނެ.