އަންނަ ކުޑައީދު ބަންދުގައި ބާއްވާ ސީސީ ފުޓްސަލް މުބާރާތުގައި ބައިވެރިވުމުގެ ފުރުސަތު ކްލަބް ކޮމްބިނޭޝަން (ސީސީ) އިން ހުޅުވާލައިފި އެވެ.
ސީސީ އިން ބުނި ގޮތުގައި މި އަހަރު އެ ކުލަބުން ބާއްވާ ދެ ވަނަ މުބާރާތުގައި ބައިވެރިވާން ބޭނުންވާ ފަރާތްތަކުން ޖުލައި 25 ވަނަ ދުވަހުގެ ރޭ 9:00 ގެ ކުރިން ބައިވެރިވުމަށް އެދޭ ސިޓީއަކާއެކު ޗަންދާގެ ގޮތުގައި 800ރ. ހުށަހަޅަން ޖެހޭނެ އެވެ.
އޭދަފުށީ ޒުވާނުންގެ މެދުގައި ކުޅިވަރުގެ ރޫހް އާލާކޮށް ޒަމާނުއްސުރެ އޭދަފުށީގައި އޮންނަ ފުޓްބޯޅައިގެ ސަގާފަތު ދިރުވުމުގެ ގޮތުން ބާއްވާ މި މުބާރާތުގައި މިއަހަރުވެސް ބައިވެރިވެވޭނީ ހަމައެކަނި އޭދަފުށީގެ ޓީމުތަކަށް އެކަންޏެވެ.
މުބާރާތާބެހޭ އިތުރު މައުލޫމާތު ސާފުކުރުމަށް ފޯން 9661111 އަދި 7788472 އަށް ގުޅުމަށް ސީސީ އިން އެދެއެވެ.
